Средба на германската канцеларка, Ангела Меркел и рускиот претседател, Владимир Путин може да се одржи пред собирот на врвот на НАТО во Варшава, закажан за 8 и 9 јули, пишува Stuttgarter Nachrichten.

Германското издание се повикува на извор во владините кругови на Германија. Според пишувањата, изворот истакнал дека идеално е што новата средба ќе се одржи пред самитот на НАТО на 8 и 9 јули, за да се намали напнатоста.

На самитот ќе се зборува за проширувањето на НАТО, за земјите од Балканот на патот кон НАТО, за безбедносните закани и слично.

Средбата ќе се одржи во одлучувачко време на разместување на тектонските плочи на евро-атлантската безбедност на исток и на југ.