Германската канцеларка Ангела Меркел го објави документот на надлежните здравствени власти издаден по вакцинирањето со АстраЗенека против Ковид-19.

Во нејзиниот жолт документ за вакцинации стои дека е примена на 16 април 2021. На Твитер, на профилот на портпаролот на владата Штефен Зајберт, покрај оваа фотографија, уште се вели: „Се радувам што денес ја добив првата доза на АстраЗенека. Им благодарам на сите кои се ангажираат во кампањата на вакцинација и на сите кои се вакцинираат. Вакцинирањето е клучно за сузбивање на пандемијата“.

АстраЗенека во Германија се дава на лицата над 60 години, а со ова Меркел испрати сигнал дека и натаму верува во оваа вакцина.