Германската канцелара, Ангела Меркел изјави дека Европа е на прав пат во решавањето на бегалската криза.

Таа вели дека минатогодишните потешкотии биле поради тоа што немало јасна претстава како да се заштитат надворешните граници на Европската унија. Ова Меркел го изјави во францускиот град Метс каде се сретна со францускиот претседател, Франсоа Оланд. Меркел додава дека приоритет е заштитата на поморската граница меѓу Грција и Турција. Според неа тој дел го „контролираат“ шверцери, а ако нив надлежните не ги контролираат, како ќе се најде траен механизам.

Меркел вели дека ЕУ мора да воведе квоти за да се распределат 160.000 бегалци во земјите членки на ЕУ.