Постигнати се успеси во регулирањето на финансиските пазари на национално и европско ниво. Сите европски земји ја зголемуваат својата конкурентска способност, а во земјите во криза е забележан значителен напредок, смета германската канцеларка, Ангела Меркел, јави ДПА. Cпоред неа, должничката криза во Европа се уште не е надмината, но има позитивни тенденции во економскиот развој. „Во проблематичните земји од еврозоната дефицитот на државните буџети е значително намален. Задржувањето на стабилоста на еврото останува главна задача на земјите од еврозоната“ - изјави Меркел. Таа ја исклучи можноста за нов договор за преструктуирање на грчкиот долг, предупредувајќи дека последиците од таквото решение негативно би се одразиле на европските финансиски пазари.