Германскиот канцелар Фридрих Мерц изјави дека во моментов би им советувал на своите деца да не живеат или учат во Соединетите Aмерикански Држави(САД) поради ненадејните промени во општеството и ограничените можности, дури и за високообразованите.

Мерц додаде дека луѓето се премногу склони да размислуваат за состојбата во светот во „режим на катастрофа“, повикувајќи ги Германците да бидат попозитивни во врска со потенцијалот на нивната земја.

„Цврсто верувам дека има малку земји во светот што нудат толку одлични можности, особено за младите луѓе, како Германија. Не би им препорачал на моите деца да одат во САД, да учат и да работат таму, едноставно затоа што општествената клима таму одеднаш се променила“, рече Мерц, кој инаку е татко на три деца. 

Вели дека денес најобразованите луѓе во Америка имаат „големи тешкотии да најдат работа“. Тој истакна дека е „голем обожавател на Америка“, но дека неговиот „ентузијазам не се зголемува“.

Мерц, кој ја презеде функцијата во 2025 година како самопрогласен трансатлантичар, го критикуваше најмоќниот сојузник на Германија, а Трамп, пак, рече дека Мерц треба да се фокусира на „поправање на својата распадната земја“.

foto Facebook/Friedrich Merz