Откако го обезбеди најголемиот удел во германските избори, Фридрих Мерц се сретна со претседателот на француската престолнина, Емануел Макрон. Двајцата разговараа за европската безбедност во услови на промена на американската политика кон Украина.

Идниот германски канцелар Фридрих Мерц допатува во ненадејна посета на Париз за да се сретне со францускиот претседател Емануел Макрон во средата.

Посетата доаѓа само неколку дена откако неговиот конзервативен блок ЦДУ/ЦСУ стана најголемата партија во однос на изборните места по изборите во Германија.

Европските медиуми јавуваат дека дискусијата се одвивала во извонредно пријателска атмосфера и дека имало голема согласност за темите за кои се разговарало, како и бројни појдовни точки за заеднички иницијативи.

Самиот Мерц на платформата Х на германски и француски јазик напиша: „Ти благодарам, драг @EmmanuelMacron, за твоето пријателство и твојата доверба во германско-француските односи. Заедно нашите земји можат да постигнат големи работи за Европа“.

Vielen Dank, lieber @EmmanuelMacron, für Deine Freundschaft und Dein Vertrauen in die deutsch-französischen Beziehungen. Zusammen können unsere Länder Großes für Europa erreichen.

Merci beaucoup, cher @EmmanuelMacron, pour ton amitié et la confiance que tu accordes aux relations… pic.twitter.com/eXv0tWqQ3h

— Friedrich Merz (@_FriedrichMerz) February 26, 2025

За што разговарале Мерц и Макрон?

Посетата се очекуваше да вклучи дискусии за неодамнешната промена во американската политика за војната во Украина, како и за европските безбедносни прашања.

Мерц објави фотографија од него и Макрон на социјалните мрежи во средата навечер, заблагодарувајќи му се на францускиот претседател за неговото „пријателство“ и „довербата во германско-француските односи“.

„Заедно нашите земји можат да постигнат големи работи за Европа“, напиша Мерц на Инстаграм.

Фото: Принтскрин/Х