Фридрих Мерц не успеа да добие доволно гласови за да стане канцелар на Германија во првиот круг од гласањето.

Меѓу првите што се огласија на социјалните медиуми беше лидерката на AfD, Алис Вајдел.

„Ова ја покажува слабата основа врз која беше изградена малата коалиција на Унијата и СПД, која граѓаните ја соборија од функцијата“, напиша Вајдел на социјалната мрежа X.

#Merz ist der erste Kanzlerkandidat der Bundesrepublik, der im ersten Wahlgang gescheitert ist. Das zeigt, auf welch schwachem Fundament die kleine Koalition aus Union und von den Bürgern abgewählter SPD gebaut ist.

— Alice Weidel (@Alice_Weidel) May 6, 2025

Секретарот на пратеничката група на AfD, Бернард Бауман, се огласи веднаш по неа.

„Пред се, ова е добра работа, бидејќи ова ниво на изборна измама, да се стане канцелар на овој начин, а потоа едноставно да се остави така, не смее да се дозволи“, рече тој во видео што го објави на социјалните мрежи.

Тој додаде дека Мерц бил „оштетен“ од самиот почеток.

„Тој е казнет за сите негови махинации, за монструозна изборна измама каква што никогаш порано не се случила“, рече тој.

Бауман додаде дека следниот круг гласање најверојатно ќе биде во среда.