Заменик-претседателот на Русија за Советот за национална безбедност, Дмитриј Медведев, смета дека Европа нема да издржи ниту една недела без руски гас.

Медведев оцени дека по повод најавата на Европската комисија дека компаниите, доколку рускиот гас го плаќаат во евра или долари кои потоа се претвораат во руска валута, компаниите од ЕУ можеби ќе можат формално да избегнат кршење на санкциите кон Русија.

„Ги цениме доследноста и принципиелноста на нашите европски партнери... Особено ако се има предвид дека, според најновите податоци на ММФ, Европа без нашиот гас може најмногу шест месеци. Но, вистината е, не може ниту една недела, “ напиша Медведев во Телеграма.