Воен транспортен авион на Русија слета во Њујорк со 60 тони медицинска опрема и маски,  што е директна помош од Русија за САД кои во мометов се соочуваат со најголеми размери на пандемијата на коронавирусот.

Помошта беше договорена во понеделникот меѓу двајцата шефови на САД и Русија, Трамп и Путин кои разговараа телефонски. Хуманитарната помош што ја испрати Русија за САД се состои од 60 тони вентилатори, маски, респиратори и друга опрема.

Од официјален Кремљ соопштуваат дека американскиот претседател Доналд  Трамп со благодарност ја прифатил оваа хуманитарна поомош од Русија.

– Сега кога моменталната ситуација влијае и може да се окарактеризира како глобална, не постои алтернатива за заедничката работа во духот на партнерството и взаемната помош, истакна портпаролот на Кремељ, Дмитриј Песков.

Во САД досега 215.300 луѓе се инфицирале со Ковид-19, од кои  и над 5.110 смртни случаи, 8.878 оздравеле.