Најголемиот синџир за брза храна – САД McDonald’s ќе престане да го користи кечапот на Heinz, јави BBC. Причината е дека новиот извршен директор на Heinz Company, Бернардо Хеес, претходно го предводеше конкурентниот синџир Burger King. “Решивме со текот на времето да се движиме кон друг оператор”, велат од McDonald’s. “Како дел од нашата политика, Heinz не коментира за односите со своите клиенти”, велат од Heinz Company. Во февруари Heinz Company беше купена од инвестицискиот фонд на Ворен Бафет, Berkshire Hathaway и бразилскиот инвестиционен фонд 3G Capital. Тие платија вкупно 28 милијарди долари, за 50% од капиталот на компанијата. 3G Capital го држи мнозинскиот удел во Burger King. Интересно е дека рестораните на McDonald’s користат кечап на Heinz насекаде во светот, додека во САД се користи само во Питсбург и Минеаполис.