Најмалку осум лица, вклучувајќи деца, беа убиени, а неколку други ранети во масовно пукање во градот Шривпорт, третиот најнаселен град во американската држава Луизијана, додека осомничениот стрелец е исто така мртов, соопшти денес локалната полиција.

Според полицијата, пукањето се случило рано утрово по локално време, а жртвите се на возраст од 18 месеци до 14 години.

Две возрасни жени се здобиле со прострелни рани во главата и преживеале, додека едно момче е повредено откако скокнало од покрив, објави локалната телевизиска станица KTBS, филијала на ABC за Луизијана.

Осомничениот, возрасен маж, е убиен во одделен инцидент во округот Босиер Париш.

Голем број полициски сили остануваат на местото на настанот, а според првичните информации, случајот има елементи на семејно насилство.

BREAKING: Eight children have been killed in a mass shooting in Louisiana, police say.

Local police say they were killed in a "domestic disturbance". The gunman was shot dead after a car chase with police officers.https://t.co/PAiZ4D1jU3

Sky 501 and YouTube pic.twitter.com/kTqDdhOEJ7

— Sky News (@SkyNews) April 19, 2026

Истрагата е во тек, а властите најавуваат дека повеќе информации ќе бидат објавени подоцна.