Во Германија синоќа, за време на прославата на Ноќта на вештерките имало големи нереди, поради што морала да интервенира и полицијата, а најтешка била ситуацијата во Хамбург, пишуваат тамошните медиуми. Полицијата била приморана да употреби водени топови и штитови за да ги разбие демонстрациите.

Инцидентите се случиле околу 19 часот кога голема група маскирани млади лица се појавиле пред маркетот и го демолирале. На местото на настанот полицијата пронашла дури два молотови коктели.

Polizei-Hubschrauber im Einsatz: Halloween-Krawalle in Hamburg. Die Polizei überprüft nach Ausschreitungen Jugendliche in Lurup https://t.co/o8tJycmR6e #Halloween #Halloween2023 #Hamburg #Randale #Krawalle pic.twitter.com/bBC5wxMhoi

— Marco Zitzow (@MarcoZitzow) October 31, 2023

Група маскирани млади употребиле и петарди и запалиле неколку контејнери. Во текот на вечерта низ градот се слушаа детонации.

Медиумите јавуваат дека иако првично итните служби се обиделе да ја потиснат толпата која првично се сметало дека брои меѓу 150 и 200 луѓе, повикувајќи се на изјава на портпаролот на службата, подоцна било утврдено дека групата е многу поголема.

Се претпоставува дека во нередите учествувале 300 до 350 луѓе, кои фрлале петарди на службите, кои беа принудени да се бранат со водени топови.

Unsere Kolleg. sind nach wie vor in der ganzen Stadt im Einsatz. Immer wieder wird vereinzelt Pyro aus Personengruppen heraus gezündet und auf Passanten und vorbeifahrende Autos geworfen. Während die @Berliner_Fw mehrere kleine Feuer und brennende Mülltonnen löscht, schreiben… pic.twitter.com/fdbKyPSW7N

— Polizei Berlin Einsatz (@PolizeiBerlin_E) October 31, 2023

Претежно помлади мажи и тинејџери ја гаѓале полициската патрола со петарди, а биле запалени и неколку контејнери. При интервенцијата полицијата запленила неколку подготвени молотови коктели.