Изгледа дека Илон Маск призна дека неговото преземање на социјалната мрежа X (поранешен Твитер) за 44 милијарди долари може да биде осудено на пропаст.

Сопственикот на платформата вчера изјави дека X „може да пропадне“.

 „Тажната вистина е дека моментално нема големи „социјални мрежи““, напиша Маск на X, пренесува Insider. „Можеби нема да успееме, како што многумина предвидоа, но ќе дадеме се од себе“.

Мета, која е сопственик на Facebook, лансираше ривал на платформата C наречена Threads на 5 јули и брзо собра повеќе од 100 милиони регистрации, објави магазинот Time, цитирајќи податоци од Sensor Tower.

Сепак, шест недели подоцна, дневната стапка на активни корисници на платформата падна од врвот од 44 милиони по лансирањето на Threads на околу 10 милиони, според податоците на Similarweb.

Напорите на Маск да ја исчисти платформата од ботови и да ја претвори во „супер-апликација“ се чини дека сè уште не функционираат.

Мет Бајндер од Mashable оваа недела откри дека околу 42% од неговите следбеници на X немаат свои следбеници, што значи дека можеби се ботови. Објавата на Маск доаѓа откако тој се најде на удар на критиките оваа недела бидејќи рече дека ќе ја отстрани функцијата за блокирање од платформата.

Во мај, Fidelity ја објави вредноста на својот удел во компанијата тогаш позната како Twitter, вреднувајќи ја на околу 15 милијарди долари - или само една третина од она што Маск го платил, пишува The Wall Street Journal.