Мултимилијардерот Илон Маск само неколку недели по ребрендирањето го продава на аукција знакот на Твитер кој до неодамна беше на врвот на зградата на компанијата (сината птица), како и други артикли на компанијата.

Помеѓу 584-те понудени предмети се маси за кафе, кафези со птици и слики во масло, како онаа на поранешниот американски претседател Барак Обама и неговата сопруга Мишел.

Неколку десетици маси и столици, како и штанд за диџеи и значителен број музички инструменти се дадени на аукција.

Патем, оваа аукција се нарекува „Ребрендирање на Твитер: онлајн аукција со сувенири, уметност, канцелариски средства и друго!“.

Како што се вели понатаму, еден од понудените ознаки на Твитер е сè уште прикачен на седиштето на компанијата на 10-тата улица во Сан Франциско, поточно познатата сина птица сè уште е поставена на зградата.

Минималната понуда за секој предмет е 25 долари, според аукциската куќа Heritage Global Partners, а наддавањето започнува на 12 септември и е планирано да заврши два дена подоцна.

ФОТО: EPA