Во Нотингем, Англија, три лица се убиени, повеќе се ранети, а едно лице е уапсено, пишува Sky News.

Полицијата го затвори центарот на градот и го запре сообраќајот на трамвај, а најпрвин соопштија дека се занимаваат со „сериозен инцидент“.

Според првите информации кои ги објави Скај њуз, а кои ги потврди и полицијата, убиствата се случиле нешто по 4 часот наутро.

Две жртви се пронајдени на една улица, а уште една жртва е пронајдена малку подалеку во друга улица. Во инцидентот се повредени неколку лица.

Во соопштението, началникот на полицијата во Нотингемшир, Кејт Мејнел, рече: „Ова е страшен и трагичен инцидент кој ги однесе животите на три лица. Сметаме дека сите овие три инциденти се поврзани и дека имаме човек во притвор“.

„Оваа истрага е во рана фаза и тим детективи работи на утврдување што точно се случило. Ја молиме јавноста да биде трпелива додека продолжуваат истрагите. „Во овој момент, голем број патишта во градот ќе останат затворени додека оваа истрага напредува“, додаде таа.

This is the scene on Milton street in #Nottingham.
It’s one of 6 other road closures in the ongoing city centre.
Officers say the roads are taped of as part of a ‘serious police incident’ pic.twitter.com/e0pNsY3dp0

— Paul Golding (@GoldingBF) June 13, 2023

Фото: Принтскрин/Јутуб