Аргентинецот Емилијано Мартинез го достигна врвот на кариерата во Катар. Тој од 2010 до 2020 година беше резервен голман на Арсенал. Пред десет години беше и во Оксфорд, а сега е светски првак.

Тој е роден на 2 септември 1992 година во малото гратче Мар дел Плата, Аргентина. Мартинез изјавил немал среќно детство затоа што израснал во сиромаштија. Како дете, еднаш го нашол својот татко како плаче во неговата соба затоа што не можел да ги плати сметките.

Сцената му останала врежана длабоко во сеќавањето, поради што решил да успее. Многу рано почнал да се занимава со фудбал, а на само 16 години играл за аргентинскиот јуниорски тим. Набрзо бил забележан од „ловец на таленти“ од Арсенал.

Мартинез бил однесен во лондонскиот клуб на проби и набрзо ги импресионирал сите со својот талент. Арсенал не губеше време и веднаш го купи за 1,1 милион фунти, а клубот Атлетико Индепендиенте со задоволство се раздели со талентираниот младинец за таа сума.

Емилијано тешко се сместил во својот нов клуб. Тој всушност бил исплашен тинејџер кој не знаел ниту збор англиски. Првата година - далеку од семејството, за него била вистински предизвик, а често влегувал во расправии и со други соиграчи.

Не можел да игра професионални игри до својата 18 година и долго време поминал како резервен голман. Вистинската можност му дојде во јуни 2020 година кога Бернард Лено се здоби со тешка повреда, која Мартинез одлично ја искористи.

Пред сè, неговите родители жртвувале сè што имале само за нивниот син да успее, а Емилијано еднаш открил дека неговата мајка често била гладна за да му обезбеди здрав и хранлив оброк со парите што ги има.

За неговиот приватен живот се знае многу малку. Тој со години е во брак со Мандина Мартинез. Единствено познато е дека се венчале во 2016 година. Брачниот пар има две деца, ќерка и син.