Американскиот државен секретар Марко Рубио, кој учествуваше на самитот заедно со претседателот Доналд Трамп, рече дека и Русија и Украина ќе мора да направат отстапки ако сакаат да постигнат мировен договор.

„Двете страни сакаат работи што нема да можат да ги добијат“, кажа Рубио. 

Додаде дека „можеби дури и да не биде можно САД да создадат сценарио што би ја завршило војната во Украина“.

Меѓутоа, тој нагласи дека мора да се разговара за безбедносните гаранции за Украина, што го смета за клучен елемент на секој можен договор.

Тој додаде и дека американската администрација забележала доволен напредок за да го оправда продолжувањето на разговорите со украинскиот претседател Володимир Зеленски.

САД и Русија се согласиле за безбедносни гаранции за Украина, но сега сè зависи од Киев.

Руската инвазија на Украина почна на 24 февруари во 2022 година, со барање за денацификација, демилитаризација на Украина и признавање на независноста на Доњецк и Луганск.