Коосновачот на Фејсбук Марк Цукерберг ќе продаде 41,4 милиони акции во вредност од околу 2,3 милијарди долари , за да плати даноци како дел од понудата на 70 милиони обични акции од класа А на социјалната мрежа. Акциите на Фејсбук, чија цена се зголеми двојно оваа година , станаа поевтини за 4% до 53.54 долари пред почетокот на денешната седница . Продажбата на Цукерберг ќе ги намали неговите акции со право на глас до 56.1 % во споредба со 58.8 % во моментов , се вели во соопштението на компанијата. Од Фејсбук соопштија дека Цукерберг очекува да искористи поголем дел од нето приходите од продажбата, за да ги покрие даночните обврски , поврзани со остварувањето на опцијата за купување на 60 милиони акции од класа B. Секоја акција од класа А дава право на еден глас , додека акциите од Б класа даваат право на 10 гласа и во секое време може да се конвертираат во акции од класа А.