Француската политичарка и претседателка на десничарската партија Национален фронт Марин Ле Пен денеска повика на „моментален прекин“ на прифаќање на бегалци во Франција, после терористичките напади во Париз кои однесоа 132 животи.

Ле Пен во соопштението објавено само три недели пред регионалните избори во Франција истакнала дека еден од напаѓачитетстигнал минатиот месец со бранот бегалци во Грција, пренесе АФП.

„Како мерка на подготвеност, Марин ле Пен повикува на моментален прекин на прифаќање на сите бегалци во Франција“, се наведува во соопштението.

Исламската држава ја презеде одговорноста за терористичките напади во Париз во кои во петокот загинаа 132 лица а се повредени повеќе од 350.