Во потрагата за исчезнатиот малезиски авион Боинг 777-200 се вклучи и Ибрахим Мат Зин, „бомбох“ или малезиски врач, кој бил ангажиран од висок функционер во малезиската Влада. Мат Зин, кој е еден од најпознатите малезиски шамани, уште познат како Раџа Бомох Седуниа Нујум, се обидува со визии да открие што се случило со авионот кој исчезна на релација Куала Лумпур - Пекинг. „Или уште лета или паднал во море“, констатираше врачот кој за своите визии користи алатки како што е „двоглед од бамбус“. Неговиот обид да ја открие судбината на исчезнатиот авион наиде на потсмев на социјалните мрежи, а со критики се соочи и малезиската Влада која наводно го ангажирала.