Францускиот претседател Емануел Макрон изјави дека е подготвен да отпатува во Москва на разговори со рускиот претседател Владимир Путин под одредени услови.

„Мислам дека за денеска патување во Русија бара предуслови, што значи гест на претседателот Путин. Не би отишол таму само така“, изјави Макрон за телевизијата TF1 за време на посетата на украинскиот главен град Киев.

Тој рече дека со Путин ќе разговара за хуманитарните прашања, заштитата на затворениците и безбедноста на храната за да се најде решение, рече Макрон. 

„Ништо нема да исклучам, но тоа секогаш ќе го правам транспарентно со украинскиот претседател и секогаш кога ќе има смисла“ - Кажа тој.

Запрашан дали мисли дека Украина треба да направи територијални отстапки кон Русија, Макрон рече дека Киев одлучува за тоа. Мислам дека наша должност е денес да стоиме зад нашите вредности, меѓународното право, а со тоа и Украина. Потребна е помош за да и се овозможи на Украина да истрае, рече тој.

„Но, ние немаме задача наместо Украинците да одлучуваме за условите за завршување на оваа војна. Во одреден момент мора да има или воена победа или преговори, рече Макрон, додавајќи дека сите одлуки за териториите и можните отстапки ќе треба да ги донесе украинското раководство.