Претседателот на Франција, Емануел Макрон изјави дека неговата земја ја интензивира работата за да спречи ескалација на војната во Украина, истовремено отфрлајќи секаква директна вмешаност на француските војници.

„Дејствуваме во согласност со потребата да продолжиме да го прилагодуваме нашиот став кон новите стратешки околности предизвикани од војната во Украина и нејзините последици“, рече францускиот претседател, нагласувајќи го учеството на 3.200 француски воени лица во вежбите на НАТО.

„Нашата одлучност нè наведе заедно да усвоиме санкции без преседан“, рече Макрон.

Францускиот претседател, исто така, ја опиша „растечката изолација на Русија“ и унифициран одговор од сојузниците на НАТО и ЕУ.

Месец дена има војна во Украина. Русија споменува и поделба на земјата.