Француската морнарица заплени руски танкер за нафта.

Претседателот Емануел Макрон изјави дека француската морнарица пресретнала руски танкер за нафта за кој се сомнева дека е под лажно знаме. 

„Нема да толерираме никакво прекршување. Утрово, француската морнарица се качи на танкер за нафта од Русија, која е под меѓународни санкции и се сомнева дека е под лажно знаме. Операцијата беше спроведена на отворено море во Средоземното Море, со поддршка на неколку наши сојузници. Беше спроведена во строга согласност со Конвенцијата на Обединетите нации за морското право“, рече Макрон.

Тој додаде дека е почната судска истрага.

„Решени сме да го почитуваме меѓународното право и да обезбедиме ефикасна примена на санкциите. Активностите на „флотата во сенка“ придонесуваат за финансирање на агресијата против Украина“, рече францускиот претседател.

foto Facebook/Emmanuel Macron