Венецуелскиот претседател Николас Мадуро кого американскиот претседател Доналд Трамп го обвинува дека води „нарко-држава“ , тврди дека повеќе од осум милиони луѓе се пријавиле да ја бранат земјата како дел од „националниот систем за одбрана“. Од нив, над четири и пол милиони, според неговите зборови, веќе имаат претходна обука и се подготвени за можен вооружен судир.

Сепак, аналитичарите проценуваат дека овие бројки се нереални. Reuters, повикувајќи се на повеќе извори, наведува дека венецуелската армија — која има околу 300.000 припадници, вклучително и паравоени формации — е ослабена поради недостиг на обука, ниски плати и застарена опрема. Истите извори посочуваат дека мобилизацијата, доколку се случи, најверојатно би се мерела во илјадници, а не во милиони луѓе.

Инаку, вчера Трамп извести дека е затворен воздушниот простор над Венецуела. 

Владата на Венецуела остро ја осуди изјавата на американскиот претседател Доналд Трамп, кој повика воздушниот простор над и околу таа држава да се смета за „целосно затворен“ . Коментарите предизвикаа конфузија во Каракас и беа оценети како „колонијалистичка закана“ за суверенитетот на земјата.