Имаме лек кој ја уништува короната, а нема нуспојави, вели претседателот на Венецуела, Николас Мадуро. 

Тој тврди дека венецуелските научници развиле лек за коронавирусот кој 100 отсто ја уништува болеста и нема нуспојави.

Додава дека студијата траеше шест месеци и резултатите покажале дека стоотстотно го уништува ковид-19 вирусот, без токсични ефекти врз здравите молекули.

Тој во постот на Твитер наведе дека во срцето на „лекот кој го уништува ковид-19“ е молекулата ДР10 „која се користи за лекување на хепатит Ц, човечкиот папиломавирус и еболата“.

Мадуро додаде дека во следните денови Венецуела на Светската здравствена организација (СЗО) ќе ѝ ги проследи резултатите на тестирањата кои се спроведени во венецуелскиот Институт за научни истражувања.

Тој претходно кажа дека во Венецуела ќе пристигнат илјадници дози од рускиот лек авифавир кој се користи во лекувањето на коронавирусот и дека лекот ќе биде бесплатен за граѓаните.