Илјадници демонстранти излегоа денеска на улиците на Мадрид против одлуката за затворање на четири од единаесетте фабрики на „Кока-Кола“ во Шпанија, како дел од планот за реструктуирање што ќе зафати 1.250 вработени.

Демонстрантите носеа транспаренти со натписи „Ниту затворање, ниту отпуштање“, „Бојкот на Кока-Кола“ и „Нула кратења“.

„Кока-Кола Ибери партнерс“, единственото претпријатие на мултинационалната компанија во Шпанија, во јануари претстави план за затворање на фабриките во Мадрид, Палма де Мајорка, Овиедо и Аликанте.

Реструктурирањето ќе влијае на околу 1.250 вработени или 30 проценти од персоналот. Од оваа бројка, 750 позиции ќе бидат скратени, а 500 ќе бидат префрлени во други фабрики.