Меѓународната агенција за атомска енергија (МААЕ) побара од руските власти информации за генералниот директор на нуклеарната централа Запорожје, Игор Мурашов, кој, според Киев, бил уапсен од руска патрола.

- Контактиравме со руските власти и бараме појаснување - изјави портпаролот на МААЕ за Ројтерс.

Руските сили го приведоа генералниот директор на нуклеарната централа Запорожје, Игор Мурашов и го одведоа во непознат правец, соопшти украинската државна агенција за атомска енергија Енергоатом.

Мурашов бил приведен од руските сили во петокот на пат од нуклеарната централа Запорожје кон Енергодар, пренесува Интерфакс Украина.

Според извештаите, неговиот автомобил бил запрен, а Мурашов бил со врзани очи и одвезен во непознат правец.

Нема информации за тоа каде се наоѓа Мурашов, соопшти утрово Енергоатом на Телеграм.