“Шок“ изјава од хрватскиот претседател пренесуваат медиумите од регионот.

Зоран Милановиќ, рече дека во Европската унија, што се однесува до вакцините, работите малку кикснале и дека треба да се води сметка за своите интереси.

Зоран Милановиќ на хрватската телевизија Нова рече дека ќе купи вакцини против коронавирусот „ако треба и од чеченската мафија“.

- Ако го слушавме Брисел, никогаш немаше да донесеме закон за преобразба на Швајцарецот ... Но, ова не е суверенитет, туку лојалност кон граѓаните. Јас би ја купил вакцината и од чеченската мафија, доколку е достапна. Така е, јас карикирам. Секако, ја нема ниту Русија. Но, ако станува збор за мои граѓани, каков Брисел ... какви мигранти ... работите на сопствените интереси. Вакцината ни треба сега - рече Милановиќ.

Запрашан како гледа на фактот дека Европската унија го постави прашањето како тоа Русија нуди вакцини, а не ги вакцинираше ниту нејзините граѓани, Милановиќ оцени дека тоа е логично прашање.

- Па, и мојот син го доведе во прашање тоа ... Помладиот, не постариот. А, тоа значи дека немаат доволно вакцини и дека сигурно нема да се грижат за Хрватска и Србија. Таму е ЕУ, работите малку кикснаа. Ме интересира колку од таа вакцина дојде во Унгарија. Симболично? Но, вие не можете да ги вакцинирате луѓето симболично, но фактички - рече Милановиќ.

Фото: Официјален фејсбук профил- Zoran Milanović