Путин ги запре сите коронавируси во светот, вели белорускиот претседател Александар Лукашенко. 

Лукашенко додава дека светот сега се прераспоредува поставувајќи прашање каква улога одиграла пандемијата во тоа.

„Вчера му реков на Путин: Слушај, добро направи – војната е војна, но ти одеднаш ги спречи сите коронавируси, сите закрепнаа“, рекол Лукашенко, а пренесува „РИА новости“.

Тој денеска изјави и дека е убеден оти Белорусија и Русија ќе изградат единство на две независни држави.  Лукашенко рекол дека повремено имало стравувања дека Белорусија ќе биде вклучена во Русија, пренесува „Белта“.

Белорускиот претседател претходно за масакрот во Буча ги нападна Британците и кажа дека имал информации со какви возила дошле и што правеле таму. 

Откако Русија на 24 февруари ја нападна Украина, Белорусија е земја која дава поддршка на Русија и затоа подлежи на санкции.