Седум лица се евакуирани од магацин во центарот на Москва кој денеска се запали, потврдија за руските медиуми итната помош.

- Досега седум лица се евакуирани од запалениот магацин на Комсомолски плоштад - изјави за новинар на ТАС извор од московската служба за итни случаи.

Од противпожарната служба потврдија дека во магацинот се уште има заробени луѓе кои чекаат помош.

Потсетуваме дека во Москва избувна пожар во двокатна магацинска зграда од тули на плоштадот Комсомолски, 1А во зградата број 18.

Во тек е спасувачка акција, седум лица се евакуирани од зградата, а во гаснењето на пожарот учествувале 80 спасувачи.

In #Moscow, near the Komsomolskaya Square, a strong fire. According to preliminary data, the warehouse is on fire. It is reported that the fire area is about two thousand square meters. pic.twitter.com/82OfnLlDwP

— NEXTA (@nexta_tv) November 20, 2022

Како што се наведува, седум лица се евакуирани од зградата, пишува РИА Новости. Оттаму додаваат дека во гаснењето на пожарот учествувале 80 спасувачи, три хеликоптери и едно противпожарно возило. Површината на пожарот моментално е околу две илјади квадратни метри.

Руските железници соопштија дека нема опасност за патниците и железничкиот сообраќај. Московското Министерство за транспорт извести дека вонредната состојба не влијае на сообраќајот.

Според јавно достапните информации, во зградата на адресата каде што избувна пожарот има продавница за мебел и осветлување и цвеќарница.