Двете најголеми европски авиокомпании одлучиле да ги избегнуваат летовите над Синајскиот Полуостров, додека се чека да се разјасни што ја предизвикало несреќата во реонот со рускиот авион во кој 224 патници денеска загинаа.

Германската авиокомпанија „Lufthansa“ и „Air France“ одлучиле да ја избегнуваат областа од безбедносни причини.

„Ние гледаме решение за избегнување на регионот, бидејќи околностите и причините за несреќата се нејасни“, изјавил портпаролот на германскиот авиопревозник.

„Lufthansa“ има помалку од 10 лета на ден над Синајскиот Полуостров.

Авиокомпанијата „Air France“ потврдува дека како мерка на претпазливост прифатила да ги избегне летовите над регионот на Синај“, изјавил претставник на компанијата.

Претходно се појави информација дека падот на авионот ја предизвикало крстосувачка анти-авионска ракета, истрелана од терористите на „Исламска држава“. Тоа сепак беше демантирана вест од Русија, која ги нарече таквите тврдења „припадност“.

Пилотот на урнатиот руски авион не се обраќал за помош кон диспечерите на аеродромот во Шарм ел Шеик за техничка неисправност, изјавил министерот за цивилна авијација на Египет, Хусам Камал. Претходно беше објавено дека пилотот побарал помош во врска со технички проблем, потсетуваат агенциите.

„Односот на диспечерите во рускиот авион се водел нормално до моментот на несреќата“, изјавил министерот. Според него рускиот пилот „не барал помош, авионот исчезнал од радарот одеднаш“.