Непалската армија денеска соопшти дека го пронашла местото на падот на авионот кој во неделата исчезна од радарот и во кој имало 22 лица.

„Спасувачките тимови го лоцираа местото на несреќата“, објави портпаролот на армијата на Твитер, приложувајќи фотографија од потонатиот брод, пренесе Ројтерс.

Четворица Индијци, двајца Германци и 16 Непалци се наоѓале во авионот „Ди Хавиленд Канада DHC-6-300 Twin Otter“, сопственост на приватната компанија „Тара Ер“, додадоа државните власти.

Авионот бил во воздух 20 минути, пред да изгуби контакт со контролата на летот.

Тој полетал од туристичкиот град Похара, 125 километри западно од главниот град Катманду и се упатил кон Џомсом, 80 километри северно од Похара.

Сајтот „Флајтрадар24“ покажа дека овој авион го направил првиот лет во април 1979 година.

Foto: EPA