Американските сили го ликвидираа лидерот на ИСИС, потврди денеска американскиот претседател Џо Бајден.

„Синоќа, по моја наредба, американските воени сили во северозападна Сирија успешно презедоа антитерористичка операција за да го заштитат американскиот народ и нашите сојузници и да го направат светот побезбедно место“, рече Бајден во изјавата.

„Благодарение на вештината и храброста на нашите вооружени сили, го отстранивме од бојното поле Абу Ибрахим ал Хашими ал Курајши - водачот на ИСИС. Сите Американци безбедно се вратија од операцијата. Господ нека ги заштити нашите војници“, рече Бајден.

Американските сили за специјални операции извршија голем антитерористички напад во северозападна Сирија рано наутро во четвртокот, соопшти Пентагон.

Според првите информации, во операцијата која траела повеќе од два часа во селото Атмех во близина на турската граница загинале 13 лица, меѓу кои шест деца и четири жени.

Според медиумите, Ал Курејш се самоубил и со себе до смрт однел 12 членови од неговото семејство.

Ал Курајш стана лидер на ИСИС откако поранешниот лидер Абу Бакр ал-Багдади се самоуби по сличен напад на американските сили врз градот Бариша во 2019 година.

Извор: Курир.рс