Лекарка од Калифорнија продавала лажни потврди и лекови против коронавирусот, по што е осудена  на 20 години затвор. 

Таа е осудена поради продавање на лажни потврди за вакцинација и неефикасни таблети против коронавирусот. Таа вчера беше уапсена, а денеска беше осудена на 20 години затвор и 100 илјади долари казна, пренесува Њујорк Тајмс. 

Џули А. Мази, е хомеопат, која продавала таблети против Ковид-19 за 243 долари. Таа тврдела дека тие помагале на имунолошкиот систем и давале „доживотен имунитет против Ковид-19“. 

Полицијата покренала истрага против Мази откако во април некој поднел жалба, велејќи дека негови роднини од Мази купиле таблети за имунитет и поради тоа тие не се вакцинирале. Лекарката им ги давала таблетите заедно со лажна потврда за примена вакцина „Модерна“.  На полицијата сè уште не и е познато колку  пари заработила Мази, но се споменува сума од 200.000 долари. Таа докторирала на Универзитетот за природна медицина во Портланд, и се занимавала со хомеопатија долги години.