Француската екстремна десничарска политичарка Мари Ле Пен посочи дека земјите од ЕУ мора да имаат можност за избор на својата валута и дека концептот на единствен промет само со еврото може да биде закана за европската економија. 

„Не велам дека секоја земја треба да го напушти еврото, но мораме да отвориме можност доколку некоја земја се реши на таков потег“ изјави Ле Пен на конгресот во Кобленц, Германија кој е популарно наречен контра ЕУ самит. 

За ефектот на Брегзит кој може да делува како домино во Европа, Ле Пен оцени дека тоа не е така трагично бидејќи се раѓа нова ера на враќање на националните држави, што беше громогласно поздравено од присутните во Кобленц.