Годинава техничките регулатори пријавиле лажни делови во авионите „Боинг“ и „Ербас“, а наводно сите траги од набавката на делови водат до британската компанија AOG Technics која не е редовен снабдувач.

Во два авиони на ирската авиокомпанија Ryanair беа откриени лажни делови од моторот, откако во авионот имаа лажни делови и познатите американски авиокомпании American Airlines, Delta Airlines и Southwest Airlines. Во текот на изминатите неколку месеци, лажните делови биле откриени при рутинско одржување на авионите во Бразил и Тексас, објави Мирор.

Главниот извршен директор на Ryanair, Мајкл О'Лири, рече дека лажните делови се од британскиот снабдувач AOG Technics, кој не е еден од редовните добавувачи на Ryanair, објави Mail Online.