Лажен профил на БиБиСи објави на „Твитер" дека англиската кралица Елизабета Втора починала.

Профилот @BBCNewsUKI веќе е избришан. Но, веста е споделена повеќе од 200 пати и предизвика бројни реакции на социјалната мрежа.

Англискиот таблоид „Дејли мирор" објави дека веста е лажна и дека „Твитер“ профилот е лажен.

Меѓу измамените беа и некои познати личности, новинари, па дури и францускиот амбасадор во САД,  Жерар Аро, кој исто така ја сподели веста пред да сфати дека е лага.

Корисникот @thefilmcynic пак пишува дека налетал на веста за смртта на кралицата Елизабета, но не би се изненадил ако и тоа се случи во текот на оваа година, алудирајќи на светски личности, кои ги загубија животите.