Рускиот министер за надворешни работи Сергеј Лавров пристигна во Њујорк, каде на високо ниво ќе учествува на отворањето на Генералното собрание на ОН, пренесува „РИА Новости“.

Лавров последен пат го посети Њујорк во април, за време на руското претседателство со Советот за безбедност на ОН

Во пресрет на актуелната посета, руското Министерство за надворешни работи соопшти дека распоредот на министерот е „многу зафатен и постојано се проширува“.

Неделата на високо ниво на Генералното собрание на ОН се одржува во Њујорк од 19 до 25 септември.

Според зборовите на постојаниот претставник на Русија во ОН, Василиј Небензје, Лавров освен на билатерални средби ќе учествува и на низа мултилатерални настани преку БРИКС, ОДКС и Групата пријатели за одбрана на Повелбата на ОН.

Предвидено е министерот да се сретне и со генералниот секретар на ОН Антонио Гутереш.

Russian Foreign Minister Sergey Lavrov arrives in New York to participate in UN General Assembly session. Lavrov plans to hold around 20 bilateral meetings on the sidelines of the event.

Lavrov is scheduled to meet bilaterally, he will also take part in multilateral… pic.twitter.com/0yeyRvTD2J

— Towhee (@amborin) September 20, 2023

Небензја изјави дека „САД не и понудиле на Русија билатерални средби на маргините на Генералното собрание на ОН, но доколку добие таков предлог, Москва ќе го разгледа, како и секој друг“.

Според него, на 20 септември е закажан состанок на Советот за безбедност на ОН за Украина на ниво на шефови на делегации, на кој ќе учествува и шефот на руската дипломатија.

Медиумите претходно објавија дека на истиот состанок на Советот за безбедност на ОН ќе учествува и украинскиот претседател Володимир Зеленски.

Ова ќе биде првпат од почетокот на Специјалната операција Зеленски и руските претставници да бидат на иста маса.

  - Реално ја оценуваме оваа средба, како и сите други политизирани западни иницијативи за украинската криза. Оценката е нула. Ова ќе биде уште едно шоу во кое главната улога ќе му биде доделена на украинскиот претседател - изјави претходно Небензја.