Поради новиот закон што дозволува двојно државјанство и го скратува периодот на престој на пет години, бројот на натурализирани граѓани во Германија се зголеми за 46 проценти.

Според најновите податоци, повеќе од 309.000 луѓе добиле германски пасош во 2025 година. Овој тренд на раст, што претставува скок од шест проценти во споредба со претходната рекордна година, е директна последица од големата реформа на законот за државјанство.

Минатата година општиот рок за добивање пасош е намален од осум на само пет години престој во земјата, а во одредени случаи натурализацијата е можна дури и порано. Сепак, новината што најмногу ги привлекува странците е дозволеното двојно државјанство, што значи дека новите граѓани повеќе не мора да се откажуваат од својот национален пасош.

Статистиката покажува дека во претходниот бран, најбројни биле граѓаните на Сирија, кои сочинуваат дури 28 проценти, по што веднаш следуваат граѓаните на Турција. Сепак, германските власти очекуваат нов „бум“ на барања во наредниот период, пред сè од граѓаните на Украина кои пристигнале во земјата по февруари 2022 година.

Експертите проценуваат дека многу бегалци ќе го искористат скратениот период за натурализација за да добијат правна сигурност пред пролетта 2027 година, кога истекува нивниот сегашен статус на колективна заштита.