Легендарните „Квин“, Брајан Меј и Роџер Тејлор, и нивниот нов вокал Адам Ламберт, култниот хит  “We Are The Champions”, го преработија и сега насловен како „You Are The Champions“ го посветија на здравствените работници ширум светот, кои речиси четири месеци спасуваат човечки животи, пациенти со најтешки симптоми заразени со корона вирусот. Најавија дека сите приходи од песната ќе одат во Фондот за солидарност.

-Исто како што ги испративме нашите мажи и жени во две Светски војни да се борат, овие мажи и жени сега се борат за нас и ги ризикуваат нивните животи секој ден. За нив пееме во оваа песна која стана глобална химна. За сите што работат во првите борбени редови и го загрозуваат својот живот, изјави гитаристот на „Квин“, Брајан Меј.