Шефот на украинската дипломатија, Дмитро Кулеба повика да се „убие рускиот извоз“. 

Тој ги повика владите и компаниите да го сторат тоа и ќе помогнат Москва да стави крај на војната во Украина. 

„Мојата порака е многу едноставна. Убијте го рускиот извоз“, рече Кулеба денеска на Светскиот економски форум во Давос, Швајцарија.

Кажа дека економијата на Украина повеќе страда од руското уништување и напади, отколку што руската економија трпи од санкциите.

„Сè додека Русија заработува од продажба на нафта и гас, нивните џебови се прилично полни“, рече Кулеба. 

Се навршија три месеци од почетокот на војната во Украина. Уништени се неколку градови, а илјадници цивили загинаа. 

Украинскиот претседател Володимир Зеленски сака директно да преговара со рускиот претседател Владимир Путин, но прво руската војска да се врати на позицијата од пред 24 февруари.