Кулеба: Русите сакаат крв, а не преговори
Украина бара дополнителни санкции за Русија и оружје.
Откако Москва најави проширување на офанзивата во Украина, украинскиот министер за надворешни работи, Дмитро Кулеба вели дека Русија сака војна и терор.
„Русите сакаат крв, а не преговори. Ги повикувам сите партнери да ги зајакнат санкциите против Русија и да ја забрзаат испораката на оружје за Украина“, напиша Кулеба на Твитер.
Претходно, шефот на руската дипломатија Сергеј Лавров изјави дека Москва нема исклучиво да се концентрира на источниот дел на Украина и дека преговорите меѓу Русија и Украина во сегашната ситуација немаат смисла. Тој кажа дека поради американското оружје кое Украина го добива, тие ќе се фокусираат на повеќе територии, а не само на Донбас. Претходно Русија ја обвини Украина дека не сака мир.
Слично
Поврзани вести
