Антонија Блажевиќ, жена од Задар која живее во Швајцарија, а нејзиниот сопруг е од Турција, загуби пет члена од своето семејство, во земјотресот што во понеделникот го погоди градот Кахраманмарас. Таа утрово со солзи ја потврди оваа информација за Задарски лист, додавајќи дека под урнатините се сите членови на семејството на нејзиниот сопруг, а спасувачите извлекувале само живи луѓе.

Роднината му кажала на сопругот дека сите се мртви. Тетката, нејзините две деца...

„Таму има апокалипса. На мојот сопруг роднина му кажа дека сите се мртви, тетка ми и нејзините две деца, син на дваесет и девојка на четири, уште една тетка...“, изјави Блажевиќ.

Таа рече дека спасувачите од урнатините извлекуваат само живи луѓе, бидејќи кучињата трагачи чувствуваат дека има некој, а мртвите воопшто не ги извлекуваат. 

„Првиот ден слушнавме дека свекорот бил извлечен жив од урнатините, но сега не ни знаеме што се случило со него, дали е жив, повреден, каде е... На мојот сопруг роднина го изгубила детето, сопругот, мајката, жената и е скршена“, рече таа.

„Ситуацијата е ужасна“

„Ситуацијата е страшна, не можеме никого да повикаме, да пратиме порака, помош, ништо... Улиците се уништени, нема доволно спасувачи, машини за отстранување на урнатините, нема начин да се стигне до градот, а температурите се ниски, врне снег и е многу студено“, низ солзи раскажува Антонија.

Фото: ЕПА