Властите во Куба вчера затвориле десетици приватни домашни кина и играчници за видеоигри, со цел да го спречат растечкиот приватен мал бизнис. Официјалниот медиум на кубанската влада вчера објавил дека киносалите и играчниците „веднаш престануваат со секаков вид самовработување“ што се однесува на малиот бизнис, пренесе новинската агенција Ројтерс. „Прикажувањето филмови, вклучувајќи 3Д-салони и слични клубови со компјутерски игри никогаш не ни имаа дозвола“, се вели во соопштението на владата. Владата минатиот месец забранила и приватна продажба на стоката увезена, а таа мерка погодила околу 20.000 мали бизниси. Оваа одлука предизвика лутина кај претприемачите и кај јавноста, која веќе е уморна од купувањето државна стока со низок квалитет и високи цени.