Кинескиот претседател Кси Џинпинг денеска се сретна со основачот на Мајкрософт, Бил Гејтс, и рече дека се надева оти ќе можат заеднички да спроведат активности кои се од заеднички интерес за Кина и САД.

На првата средба со Гејтс по неколку години, Кси го нарече американскиот претприемач „стар пријател“.

„Често велам дека основата на односите меѓу САД и Кина лежи во нејзините народи. Моите надежи ги полагам во американскиот народ“, рече Кси во видеото објавено од кинеската телевизија.

Тој му рекол на Гејтс дека во сегашната глобална ситуација „можно е заеднички да се спроведуваат различни активности кои се корисни за двете земји и народи, активности кои се корисни за човештвото како целина“.

President Xi Jinping met with @BillGates. President Xi said that Mr. Gates is the first American friend he has met in Beijing this year. The people are the foundation of China-U.S. relations. We count on the American people and hope for lasting friendship between the two peoples. pic.twitter.com/a7vK6DC235

— Hua Chunying 华春莹 (@SpokespersonCHN) June 16, 2023

За време на средбата со Гејтс, Кси рече дека Кина нема да ја следи старата политика на „силна држава која сака хегемонија“, туку ќе работи со други земји за да постигне заеднички развој, јавуваат кинеските медиуми.

Гејтс, кој пристигна во Пекинг во средата, му рече на Кси дека е „почестен“ што има можност да се сретне со кинескиот претседател и рече дека имаат „многу важни теми за разговор“.

Средбата со Гејтс го означува крајот на долгата пауза што Кси ја имаше во последните години на состаноците со странски приватни претприемачи и деловни лидери.

Неколку странски извршни директори ја посетија Кина откако таа беше повторно отворена на почетокот на оваа година, но повеќето главно се сретнаа со владини министри.

Xi Jinping called Bill Gates ‘an old friend’ and said he hoped they could carry out activities together beneficial to both China and the United States, in the Chinese president's first meeting with a foreign entrepreneur in years https://t.co/iqNZRCI9Z7 pic.twitter.com/6LDHbuNABS

— Reuters (@Reuters) June 16, 2023

Гејтс се повлече од одборот на директори на Мајкрософт во 2020 година за да се фокусира на филантропската работа поврзана со глобалното здравје, образованието и климатските промени.

Последната позната средба меѓу Кси и Гејтс беше во 2015 година, кога тие се сретнаа на маргините на Форумот Боао во провинцијата Хаинан.

На почетокот на 2020 година, Кси му напиша писмо на Гејтс во кое му се заблагодарува и на Фондацијата Бил и Мелинда Гејтс за помошта на Кина, вклучително и 5 милиони долари за нејзината борба против Ковид.