Најмалку девет лица, меѓу кои и деца, се повредени во пукотница што избила по расправија и тепачка на патека во Холивуд, Флорида, соопшти американската полиција.

Шест возрасни и три деца се меѓу деветте ранети во престрелката, тие се хоспитализирани и сите засега се во стабилна состојба, се наведува во полициското соопштение, пренесува АП.

Пукањето се случило на патеката на Холивуд Бич, на околу 17 километри јужно од Форт Лодердејл и 32 километри северно од Мајами, а му претходела тепачка меѓу неколку луѓе.

BREAKING: Live cam footage from Hollywood Beach, Florida shows moment of shooting https://t.co/hZhwDOxFw5 pic.twitter.com/IcfmVivbdv

— Insider Paper (@TheInsiderPaper) May 29, 2023

Инцидентот започнал по расправија меѓу две групи мажи на Холивуд Бич Бродвок, соопшти полицијата.

Сведок кој минувал покрај Бродвок изјавил дека неколку мажи се скарале во редот пред дуќаните и дека едно од лицата почнало да пука со огнено оружје. Жртвите биле ранети во вкрстен оган, кога другата група одговорила со пукање.

Полицијата соопшти дека едно лице поврзано со престрелката е уапсено, додека други се трага. Властите објавија и фотографии од луѓе за кои веруваат дека се вмешани во пукањето, иако не кажаа точно колку вооружени лица има, пишува NY Post.