Парламентот на Крим едногласно донел првична одлука за припојување на овој досега украински регион кон Русија. Одлуката ќе треба да ја потврдат и граѓаните на Кримскиот Полуостров кои за ова ќе се изјаснат на референдумот закажан за 16 март. Новите власти во Киев не ги признаваат одлуките на институциите во Крим, а за дел од про-руските лидери на Полуостровот е издаден и налог за апсење. Премиерот на Крим, Сергеј Аксионов, изјави дека околу 11 илјади војници за самоодбрана на Крим се распоредени на полуостровот и ја контролираат ситуацијата. Вооружени лица на Крим вчера најпрвин насилно го задржаа, а потоа го избркаа специјалниот претставник на ОН на Крим Роберт Сери, извикувајќи дека „Крим е Русија“. Ова е видеото од тој инцидент: http://www.youtube.com/watch?v=v0Ln7lCIkZg