Седум лица, меѓу кои и еден малолетник се упсени во вчерашната акција на албанската полиција, во која беа запленети 700 килограми марихуана.

 Албанската полиција во градот Драч пронашла цела лабораторија, каде приведените ја преработувале и пакувале марихуаната.

– Станува збор за организирана криминална група, која марихуната ја набавувала во Тирана и Скадар, ја преработувала во Драч а потоа ја шверцувала надвор од земјата, главно во Италија, се наведува во полициското соопштение.

Меѓу приведените има и тројца бизнисмени и еден малолетник.

Претходно албанската полиција соопшти дека во јужниот дел на земјата запленила 3,2 тони дрога марихуана – канабис сатива. Марихуаната била  запленета во планината Курвелеш во близина на градот Ѓирокастро.