Државниот совет на Република Крим усвои резолуција за формирање на Кримска централна банка. Одлуката е донесена едногласно од членовите на парламентот. "Се создава Банка на Крим. Беше одлучено дека Банката на Крим ја остварува дејноста од 17 март 2014 година на основа и според редоследот утврден во привремените одредби за Банката на Крим", се наведува во пораката. За претседател на финансиската институција е назначен Никола Барилок, додека главен сметководител ќе биде Елена Денисенко. Во меѓувреме, според локалните власти, Република Крим е подготвена да ги изврши очекуваните исплати кон доверителите во рубљи. За време на прес-конференција министерот за финансии на областа Владимир Левандовски посочи дека постојат проблеми со тоа во каква валута треба да бидат извршени исплатите, бидејќи на полуостровот во моментов функционираат руската рубља, но и украинската Hryvnia. Левандовски изјави дека Крим е во преговори со Украинската централна банка, која треба да и се пренесе на областа дел од пласираните емисии од државни хартии од вредност. Претходно во текот на неделата меѓународната рејтинг агенција S & P го намали кредитниот рејтинг на Крим од CCC до најниска можна мера D. Причината беше неможноста на локалната власт да услужи долг во вредност од 4,8 милиони гривни. Последователно оценката на рејтингот на областа беше прекината.