Договорот за извоз на украинско жито преку Црното Море истече денеска и нема да биде продолжен бидејќи не е исполнет делот од него што се однесува на Москва.

Ова го соопшти портпаролот на Кремљ, Дмитриј Песков.

-Денес Црноморскиот договор за жито престана да важи. Како што претходно најави претседателот на Русија, по неговото истекување на 17 јули, договорот нема да биде продолжен бидејќи делот што се однесува на Русија досега не е спроведен – рече Песков.

Тој додаде дека Москва веднаш ќе се врати на примената на Црноморскиот договор штом почнат да се исполнуваат обврските наведени во меморандумот меѓу Русија и ОН за отстранување на пречките за извоз на руски прехранбени производи и ѓубрива.

Потпишан во јули 2022 година во Истанбул, договорот со посредство на Турција и ОН е веќе двапати обновен.

Тој договор овозможи 33 милиони тони жито да се извезат преку украинските пристаништа минатата година и покрај конфликтот.

Agreements on the grain deal have effectively been terminated, it has been stopped, Kremlin spokesman Peskov said.#Russia #Ukraine #UkraineRussianWar pic.twitter.com/VumdyLwIqj

— Resolute Report (@RResoluteReport) July 17, 2023